احاسيس شاعر صفاء الزيرجاوي

شعر ادب اسلام اجتماع
 
الرئيسيةالبوابةاليوميةس .و .جبحـثالتسجيلدخولالرادودشركة اسياسيلعراقيات اثرياتمنتديات اجراسقران
بحـث
 
 

نتائج البحث
 
Rechercher بحث متقدم
سحابة الكلمات الدلالية
المواضيع الأخيرة
» مساجلات بيني وبين المراسل
الأربعاء أكتوبر 24, 2012 9:14 pm من طرف بهاء التميمي

» 2012 يااااااااااااااااااااااااااعلي
الثلاثاء أغسطس 07, 2012 3:36 pm من طرف صفاء الزيرجاوي

» حتى الاعياد معيدة
الثلاثاء يونيو 12, 2012 2:17 pm من طرف صفاء الزيرجاوي

» المسموم بقعر السجون
الثلاثاء يونيو 12, 2012 9:11 am من طرف صفاء الزيرجاوي

» ومضات جديدة2012
الثلاثاء مايو 29, 2012 4:05 pm من طرف صفاء الزيرجاوي

» القائد التي قراتها لصفاء الزيرجاوي منتظر العلي
السبت مايو 12, 2012 10:39 am من طرف صفاء الزيرجاوي

» قصيدة جديدة وحق حيدر أبو الحسنين
الأربعاء مايو 09, 2012 4:20 pm من طرف صفاء الزيرجاوي

» صور الشاعر صفاء الزيرجاوي مع الرادود الصغير منتظر العلي
الأربعاء مايو 09, 2012 1:55 pm من طرف صفاء الزيرجاوي

» قصائد مسموعة للشاعر صفاء الزيرجاوي
الأربعاء مايو 09, 2012 1:45 pm من طرف صفاء الزيرجاوي

أكتوبر 2017
الأحدالإثنينالثلاثاءالأربعاءالخميسالجمعةالسبت
1234567
891011121314
15161718192021
22232425262728
293031    
اليوميةاليومية
التبادل الاعلاني

انشاء منتدى مجاني




شاطر | 
 

 ابو ذية الجزء الاول 2012

استعرض الموضوع السابق استعرض الموضوع التالي اذهب الى الأسفل 
كاتب الموضوعرسالة
صفاء الزيرجاوي
Admin
avatar

عدد المساهمات : 35
النقاط : 0
تاريخ التسجيل : 25/04/2012
العمر : 48
الموقع : احاسيس شاعر

مُساهمةموضوع: ابو ذية الجزء الاول 2012   الأربعاء أبريل 25, 2012 2:14 pm

رهن شورك يشاعرنا واعينك
ولا ترمش احاسيسك وعينك
رمز للخوّه انت اتظل وعَينك
امير الطيب والود والحمية


الك خبره بعذابي انت والك فن
كتلتني وحظّي بفراگك ولك فان
اشگ اللحد لو تگرب والاكفان
وتعود الروح يالغالي اليه

ترف بوّل هواكم عال علتني
اوسط درب المحبه عل علتني
بنهاية درب حبك عل عَلَتني
جفوف الموت,, ماتدناهه اديه


لان ماريــــــــد اشوفك يوم حزني
وتدري ابسيف هجرك ولك حزني
كلبك انت وحـــــــدك الي حزني
و (حيازه وحمل) سلمتك بديه

لو راسا تكلي ارجــوك هدنه
وتعاركني وتــريد انوب هدنه
ولك والله العشك وياك هدنه
مريض انه تعال اسال عليه


لــــــــو تذكر رباي وياك والعن
ولا تنغر على اللي بيك والعن
فرضنا لــــو اسبك حيل والعن
مريض انه تعال اسال عليه



وشوف اشلون حالي منتسلني
ولكن سيف صــــدك منتسلني
الدمع يغلــب جوابي منتسلتي
اضحك بالجذب غصبن عليه




أنـا بحبـك أبـد مـايـوم غشيـت
وعـن كـل البنـات النظـر غشيـت
گعـدت يمـه وعليـه بسكـوت غشيـت
وگـف صـاح المـدرس غـش عليـه


اكت دمعي التريدة هسه اكت لك
وتريد لساني يسكت؟ هالستكلك
اذا متكول احبك؟ هسه اكتلك
واكوم انوب اكتل روحي بدية


ليش الناس بيه اللوم يلتام
يالوجهك مثل ضوه البدر يلتم
جرح السيف لابد يوم يلتم
ويظل جرح اللسان يفور بيه


بعدكم كمت اسوي النوح وجبات
ولاخلي دليلي يهيم ويبات
الحزن وياي طول الليل ويبات
بفراشي ويسولفلي عليه


احبابي اعيوني راحت من اجلكم
وجل الدنيا كله من اجلكم
ياهي الي حرفكم منهو جلكم
وكطع حبل الوصل منكم عليه


حلو عيون وعيونه سماوي
بي مفتون والهيئه سماوي
جمال البيه يهل الوادم سماوي
ليل الناس وبنصه الكمر هيه


اذا رايح حبيبي الف بايات
وطش ماي وانشر الك بايات
ومركضه الصعود ايصير بايات
اخاف اطيح وما منك رجيه


من شطه مامش صيد بس ماي
واشتم اللي نهاني الصيد بسماي
واريد اللي خله العرش بسماي
اصيده بيوم وتجيني المنيه


دومي فانوس لدروبك وشعلة
وليمسك ابية احركنة وشعلة
اخبرك الاسود صار شعلة
منشوفة تغور الكاع بية


عيونك تصيب الگلب بسهام
يلي ابد ماشفت بهواك بسهام
انا طير المهاجر بالفضاء بسهام
اشوفك وانا تايه بالبريه


على ضيم الهوى ياروح علمي
وبيها ارفعت اني اليوم علمي
اسالتها المستوى وتكول علمي
بخامس باء يالتسال عليه


يعاذل نار شوكَي هل تمسني
إهديني الشوف حبي والتمسني
بجه من مد يمينه والتمسني
لكَاني نفس ما مش جسد بيه


أهل هل وكت بالك تمن بيهم
إدنان وعيب يحصل تمن بيهم
ثلاث من الخصايل تمن بيهم
الجذب والفتن والشوفة الردية


وحك التين والزيتون والمن
اجروحي الطابن امن اسنين ولمن
السدر والجفن والكافور والمن
كَبل طرت الفجر يسرون بيه


ردت خده ابوسه جفل ماراد
الغده حبه لعند احشاي مارد
لون مصباح وانه البيه مارد
اصير بحدمته بس يرحم اشويه


شجيت انه وجريت الدمع منهال
وحنيت الضلع يوم الصاح منهال
صحت ويلاه يا ويلادي منهال
عليكم صحت وين الي يجاوب عليه

ديخويه الضمه نار احرگت يوفـي
عرفنه اللى يواعـد وعد يوفـي
حاشاه العـزيز ايخون يوفـي
ابن امي نفس نهض ا ليـه



شكول للحر ما واحد نجلهـا
وچم حره انچتل باالعراق نجلها
المدينه ما نحب نوصل نجلها
نريد انخيم بـوادي الـمنيه



كثيره اجروح يبن امي ترابيك
عفت الدار وعيوني ترابيـك
چانت تسهر ليالي وترابيك
متكلي اشوكت اتعود اليه


انگطع حبل الوصل بيني وبينه
وذخرته والـعمد هّو وابينـه
إلمن اشتكـي هـمي وابينه
واخبره اشوكت ايعوّد عليـه


جروحك بيش اداويهن والفهن
مو جرحين حتى اگعد والفهن
حايرانه بعدهن ولفهن
وراحن اجروحي كلهن عليه


توجّل گـلب الحنينـه علمها
يولي وحست بـوحشه علمها
ساعه من وگع الحبيب علمـها
لطمت عـالوجه منين يرجع اليه


قطار العـز تعدانـه ومـرنـه
وعلينه مـا نشد واحد ومرنـه
عگب عينك يا صاح وامرنـه
بـهاى انفوضه لـرب البريـه


علينه اطلع يبو صالح ولمنـه
تراها الناس ماداوت والمنـه
انت الامـل يلغايب والمنه
وبلسم انت لجروحي الخفيه


تركني الدهر بـالغربه بلاسم
وضعف حيلي ومرد چبدي بلاسم
واكيد الفرج لجروحي بـلاسم
يبلسمها ويـرد روحـي الـيه


تمر انخاك يا عراقي عليهـم
واخبرك كلب كل منهم عليهم
وطنه الكل جفت عنه وعليهم
گلبي وگـربت منـه المنيـه


الك بگلوبنه من الشعر نـادي
رطب ذكرك بگلب المحب نادي
يا عراق بيوم الحشر نـادي
محبينك يـجوك اعلى النديـه


ربينه اعلى حبك احنه علينـه
نصيح بشده لـوطحنه علينه
يا عراق جـارت الدنيـا علينه
ورمتنه بـدار غربه واجـنبيه


انامر بالصبر روحي ونهواى
وكثير اتعد مصايبها ونهواى
الوادم بالهوه اتساهر ونهواى
يعتني بيك صبح ومسـيه
سجاجين الوكت بحشاي بردان
حزني وصرت بالصيف بردان
صرت مجبور اشد اردان بردان
ولا امد للشماته اديه

هوى المحبوب ماينكشف بسحار
وكلبي مايحير وياك بس حار
الك مديت واير العشك بس حار
اينتلك لو كطعت الوصل بيه

كتبت اعله الحبيب كتاب من دم
مشه وخله العيون تسيل من دم
أبدوالله ماأعتب على البذات مندم
أعتب على الحبيب الكطع بيه

يسلك كلبي رايد و انته سله
و صرت شوكه بعيونك و انته سله
اريد اصبح عنبكم و انته سله
و تضل بداخلك كل يوم اديه

جيرانك عليك الغرب يدعون
اجولك كالوا احنه الك يد عون
الك ام و ابو كل يوم يدعون
ترد الضحكه لاطفالك شويه

احبك من زمن جدك وجدي
حبي الك يبقى صادق وجدي
اريد اكعد اباب اهلك واجدي
بلكي ينكسر كلبك علية

جمالك خلاني اصفن واصير شاعر
اكتب واوصف بيك بهالمشاعر
الميتة وانت بعذابي ماشاعر
موتتني بحبك يمتى تحن عليه

أخيك لون حنضل .. مرتقبله
ومثل هلال عيدك .. مرتقبله
أخيك صح يصلي .. ومرته قبله
عنده مريته والكعبه سويه

دليلي بنار هجرانك مليتة
احبك لا تظن شخصك مليتة
كبالي الكاس من دمعي مليتة
ارء بكاسي الك صورة تلوح الية

ولتني جفوف هجرك زنكه زنكه
وحياتي اصبحت بالهم زنكه زنكه
مثل قذافي اصيحن زنكه زنكه
واشن حروب من تبعد عليه

انا المعلول من علاني
ولا فد يوم واحد علاني
كام يضك النذل من علاني
حسباله نجح ميه بالميه

حبي وياك ماينوصف وصفه
حبي وياك مثل الذهب وصفه
مريض انا واريد اليوم وصفه
خدك والشفايف صيدليه

بحر العيس الج غطة وسارة
ومنهو الوصل عد حدج وسارة
خليل اللة ابتلة بهاجر وسارة
وانة بتليت بيج يابت الناصرية

عليّ ثوب الونــــين اشكثـــــــر .. حالي
شباب وهل شبت مـــــــــــــــن دون .. حالي
انشدچ على احوالچ مثــــــــــــــــل .. حالي
طايــــــــح والهموم اتشيل بيــــــــــه

كلبي مارجف من خوف حبك ودلة
ماجان الي بلحب ولا اندلة
صرت الفنجان ونتة الدلة
اوتحط من سكر اشفافك علية

حبيبي عنة حجولي هواي ولامال
كالو عوفة ميفيدك ولامل
ما أبدلة بكل كنوز الدنية ولا المال
لان اسمة منقوش بية

آنة بكآروك حبك وانت هزني
صرت فرصة بحياتك وأنتهزني
آنة شجرة محبتك وأنت هزني
وخلي ألورد يتناث
ر علية

الرجوع الى أعلى الصفحة اذهب الى الأسفل
http://ahases2012.mam9.com
 
ابو ذية الجزء الاول 2012
استعرض الموضوع السابق استعرض الموضوع التالي الرجوع الى أعلى الصفحة 
صفحة 1 من اصل 1
 مواضيع مماثلة
-
» المليسة
» ماذا سيحدث في عام 2012
» ديكورات داخلية رائعة
» صور x صور 2012
» توبيكآت آنسآنه تحس آنهآ شيء غآلي

صلاحيات هذا المنتدى:لاتستطيع الرد على المواضيع في هذا المنتدى
احاسيس شاعر صفاء الزيرجاوي :: الاشعار المكتوبة بحق الوطن-
انتقل الى: